السلام عليكم ورحمة الله وبركاته:
بداية أبارك لكم قبولكم في جامعة الملك عبدالعزيز متمنية لكم سنة يتكللها النجاح
مدونتي راح تكون عن تجربتي الشخصية في السنة التحضيرية باختصار شديد متضمنه اهم الخطوات وما راح أتفصل وأتعمق لأنو زميلاتي عملوا مدونه كاملة متكاملة لكم .
بسم الله نبدأ!
بداية السنة التحضيرية مهي سنه صعبة أبدا ولا تخلوا أي أحد يزرع في راسكم فكرة انو السنة التحضيرية صعبة أو انو الدكتورة الفلانية سيئة لكل واحد تجربتو الخاصة ومو شرط انو الدكتورة اللي ما ناسبت صحبتك ما حتناسبك عيشوا وخوضوا تجربتكم انتو،صعوبة السنة التحضيرية تكمن في الضغط النفسي والقلق لأنها سنه مصيرية وكل درجة تفرق معاكي في المفاضلة.
كوني البنت الكبيرة في العيلة أفتقرت لوجود شخص ينصحني ويرشدني فبالتالي جربت كل أساليب ومصادر المذاكرة من مراجع أساسية و ملازم الاساتذة الخصوصيين والسلايدات ما خليت مصدر ما جربته فيفضل تاخدوا نصايحي عمحمل الجد لأني حديكم الزبدة المفيدة من تجربتي
خلينا نتفق على 3 نصايح أساسية :
1- عادلوا الانجليزي ، عادلوا الانجليزي ، عادلوا الانجليزي اذا كانت لغتكم كويسة يعني
لحد يضحك عليكم ويقلكم ترفع المعدل، لانها بتخسف أكتر من ما بترفع وكتير بنات شطار بينقصولهم كم درجة فيها، وكلاساتها مدتها 4 ساعات يوميا وتخلي دوامك طويل عالفاضي ، دوامكم من دون دي المادة حيصير قصير لا يتجاوز 4 ساعات وممكن تاخدوا أيام أوف كمان ،كيف تعادلوها؟ تعادلوها باختبار ايلتس أو توفل أنا عادلتها ب ايلتس لأنو أسهل من وجهة نظري ، طبعا الجامعة طالبة تجيبوا حد ادنى 4.5 من 9 ومهو صعب تجيبوا دي الدرجة أبدا اذا كان مستواكم متوسط ،واذا ما قدرتوا تعادلوها اتس اوكي مهي نهاية العالم .
2- سيبوكم من ملازم الاساتذة الخصوصيين لأنها لا تقدم ولا تأخر الاسئلة اللي فيها أصعب من اللي في الاختبار بكثير وما تجي و حتخربط أفكاركم وتضيع وقتكم ف مالها داعي ، أنا في البداية كنت أشتريهم وأذاكر منهم بس بعدين شفت انو مالهم داعي وحطيتهم عجنب .
3- درجاتك في التحضيري تعتمد 50 بالمية عليكي و50 بالمية تعتمد عشرح الدكتورة فمهم جدا جدا جدا تكوني فاهمة من شرح دكتورتك ،راح تصادفوا بالتاكيد دكاترة ما يناسبوكم في بعض المواد بس لا تسكتوا وتقولوا "خلاص مشي حالك" لأنو كلو حيجي ع راسكم ، في حال صادفتوا دكتورة مو كويسة في 3 طرق انكم تغيروها
1- تشوفي مواعيد كلاسات الدكتورة اللي تبيها وتشوفي وقت يناسب جدولك وتروحي العمادة تطلبي تحويل رسمي وانتي وحظك ممكن يطنشوكي ويقولولك مافي تحويل ومن دا الكلام ، دي الطريقة فيها مرمطة ووجع راس لانك لازم تطبعي ورقة تحويل وتروحي عند الاستاذة اللي تبي تحولي من عندها وتخليها توقع وتروحي عند الاستاذة اللي تبي تحولي لعندها اذا وافقت لك طبعا وتخليها توقع بعدين تروحي العمادة وتديهم الورقة وخلاص بس انا ما كنت أفضل البهدلة دي ف ما استخدمت دي الطريقة أبدا
2-التحويل الودي وهوا انك من غير ما تروحي للعمادة ، كلمي الاستاذة اللي تبي تحوليلها واسأليها اذا كانت تسمح تحضري عندها و اذا وافقت روحي عند استاذتك الاساسية واستأذنيها انك تحولي من عندها وانو حضورك يصير ينحسب عند الاستاذة التانية ودي أسهل و أريح طريقة بس طبعا درجاتك حتنزل عند أستاذتك الاساسية
3- في حال ما زبطت معاكي ولاطريقة من الطرق اللي فوق مالك الا انك تحضري عند استاذتك عشان التحضير وتحضري اكسترا عند الاستاذة اللي تبيها دي الطريقة متعبة بس معليش اتنازلوا واتعبوا شوية عشان توصلوا للي تبوه اغلب المواد كنت اخد فيها كلاسات اكسترا لأنو للأسف اساتذتي ما كانوا يسمحولي أحول بس في النهاية الحمدلله لقيت ثمار تعبي ، وممكن تاخدوا مع اساتذة خصوصيين طبعا اذا تبوا
نبدأ في الشغل المهم ، راح يقسموكم خطتين أ ، ب
خطة أ تتضمن : رياضايات ، مهارات اتصال ، فيزياء ، حاسب ،،انجليزي
خطة ب تتضمن: كيمياء ، أحياء ، احصاء ، انجليزي
أنا بديت بخطة ب ف حتكلم عنها أول :
كيمياء :مادة جدا سهلة مجرد اعادة لما اخدتوه في الثانوي مع شوية اضافات طفيفة
مصادر المذاكرة حقت دي المادة سلايدات ليلى الحربي والتست بانك فقط والتست بانك تلاقوه في البلاك بورد ولا تخافوا دكاترتكم راح يقولولكم كل شي ،وممكن تذاكروا من سلايدات نهى الوزان بدل ليلى بس أنا عن نفسي استخدمت سلايدات ليلى لأنها كانت مختصرة اكتر وما واجهني شي في الاختبار برا السلايدات ،ممكن تجيبوا الكتاب المقرر كمرجع لكم اذا كنتوا من النوع اللي يحب يرجع للكتاب زيي ، بالنسبة للدكاترة للأسف مالقيت دكتورة كيميا رهيبة وما كان يهمني مين دكتورتي لأنو اساسي في الكيميا الحمدلله ممتاز فكنت اعتمد عنفسي في المذاكرة و على فكرة السنه التحضيرية راح تعلمكم كيف تعتمدو عنفسكم وتستخدموا مهارة البحث والتعلم الذاتي ،نرجع لموضوع الدكاترة أحسن دكاترة سمعت فيهم من صحباتي هما : ليلى الحربي ، مرام باشا ، عفت باحيدرة ،وجدان
احصاء: الماده هذه خوفوني منها اللي قبلي كتير بكونها صعبة وحتضيع درجاتك بسببها ، بس الحقيقه انها مادة تتراوح ما بين سهل الى متوسط ، أغلب الشباتر سهلة جداااا و ممكن يصادفكم شابتر ولا اتنين يكونو متوسطي الصعوبة بالنسبالكم بس بالعموم مادة سهلة ان شاء الله وسرها كلو يكمن في التدريب الكثير وتمرين يدك ومخك عالحل ، بالنسبة لمصادر المذاكرة من استاذة لاستاذة يفرق في اساتذة حيقولولكم من الكتاب و اساتذة يقولولكم سلايدات انا عن نفسي ذاكرت من الكتاب لأنو أشمل وأنصحكم بالكتاب في الاحصاء بالذات، وحلو أسئلة الكتاب اللي مكتوب انها معاكم في السيلابس(المنهج)تلاقوها في البلاك بورد وفي حصة سكشن يحلوا فيها دي الاسئلة تكون موجودة على مدار الاسبوع في وقت البريك من 12 ل 1 اساتذتكم حيقولولكم فين مكانها ومتى تبدا ويفضل تحضروها ، ولازم لازم لازم تحلو الوورك شيت ونماذج الاختبارات السابقة والاختبار التجريبي اللي في البلاك بورد لأنها حتدرب يدكم عالحل والاختبار يجي مشابه لها
أحسن الدكاترة : دعاء بوقري ، سماح سندي،هديل الرويثي ،فاتن ..أغلب اساتذة الاحصاء كويسين عموما
أحياء: المادة دي من أسهل المواد اللي حتدرسوها في التحضيري ،كل اللي عليك تذاكر السلايدات وبس وفي بونس 10 درجات في دي المادة مقسم 3 درجات في الدوري الاول و 3 في الدوري التاني و 4 في الدوري التالت و تاخدوا البونس دا بجهدكم ، كيف يعني ؟ يعني مثلا الاختبار اصلا من 30 بس يحطولك 33 سوال اذا حليتيهم كلهم تاخدي بونس 3 درجات ، ممكن تختبري نفسك من اسئلة أستاذة نجود الحربي وممكن تجيبي ملزمة الشعراوي حقت الاسئلة تلاقيها في مكتبة ابن سينا
أحسن الدكاترة : حنان الشاذلي ، نجود الحربي ...عموما ف الاحياء مو لازم تكون دكتورتك رهيبة لأنك ممكن تحفظي السلايد وخلاص بس اذا حبيتي تستمتعي في المادة خديها عند دكتورة حنان الشاذلي.
بالنسبة للكيميا والاحصاء درجاتهم تكون مقسمة 30 دوري أول ، 30 دوري تاني ،40 نهائي ولا تخافوا في كيرف اب في دي المواد ، ايش هوا الكيرف اب ؟ الكيرف اب يعني في اخر الترم يدوكم بونس ع حسب الدفعة اذا كان في رسوب كتير يدوكم بونس كتير اذا كان الرسوب قليل يدوكم بونس قليل.
بالنسبة للأحياء اختباراتو مقسمه 33 دوري أول ، 33 دوري تاني ،44 نهائي
أما الانجليزي لأني ما أخذتو ف ما اعرف تفاصيل عنو بس حتركلكم رابط مدونة صحباتي تحت اتكلموا عن الانجليزي في مدونتهم
ننتقل لخطة أ
رياضيات : أكتر مادة تعبتني الصراحة وأخدت مني مجهود كبير لأنو أفكارها كتيرة بس بالعموم المادة مهي صعبة ابدا تعتبر ما بين سهل الى متوسط برضو ،الكتاب هوا المصدر الوحيد للمذاكرة وطبعا ضروري تحلو الهوموورك حق الكتاب و وورك شوب حمزة أبو جبل و نماذج الاختبارات السابقة والاختبار التجريبي وكلها حتلاقوها موجودة في البلاكبورد، الرياضيات زي الاحصاء كلما دربتي يدك عالحل كل ما ضمنتي درجاتك والاختبار يعتبر متوسط الصعوبة
أحسن الدكاترة: سهى حمدان ،ليندا الزبن ،اسيا زقزوق.
فيزياء: مادة سهلة غالبا ممكن يمر عليكم شابتر ولا اتنين متوسطي الصعوبة ،مصادر المذاكرة من السلايدات و النوتس (الملاحظات) اللي حتكتبوها مع الدكتورة ، وسر المادة كلو في التست بانك وانك تدربي يدك ومهم جدا جدا جدا جدا تجيبي ملزمة هناء فرحان حقت التست بانك وتحليها قبل الاختبار لأنها تدرب يدك أكتر ويجي الاختبار مشابه لها حتلاقوها في مكتبة خوارزم في شطر الطالبات وممكن كمان تطبعي ملخصات هناء فرحان الموجودة في البلاكبورد ملخصة فيها كل الشباتر ولا ننسى طبعا نماذج الاختبارات السابقة اللي في البلاك بورد برضو وفي كمان سيلف تست في البلاك بورد لو حبيتوا تمرنوا يدكم زيادة.
أحسن الدكاترة : سناء أباظة ، هيفاء التومة
الحاسب : الحاسب وما أدراك ما الحاسب !! مادة مملة تقيلة دم لأبعد الحدود لو كنت أعرف كيف أعادلها كان عادلتها و دحين عسنتكم للاسف مافي شيء يعادلها ،درجاتها مقسمة ل 4 اختبارات عملي و 3 اختبارات نظري ومو مهم تكون دكتورتك كويسة أو لا ما يفرق ، الحمدلله انو كان في بونس في المادة بس مدري كم ادونا ممكن درجتين بونس أو درجة ، مصدر المذاكرة كان الكتاب فقط ، في ناس ذاكرو من سلايدات بس مالو داعي كلو نفس المحتوى ، أكتر شي كان ينقص البنات هوا العملي لأنو يحاسبوا عالتفاصيل الصغيرة للأسف بس سهل تجيبوا فيها A+ لا تخافوا.
مهارات الاتصال :مادة سهلة بس حفظها ممل كان بالنسبالي درجاتكم حيكون 30 منها في يد الدكتورة وأغلبهم متعاونين يدوكي ال30 كاملة و 70 درجة مقسمة ما بين 30 دوري تاني و 40 نهائي ، مافي دوري أول في دي المادة ، بالنسبة لدرجات التكاليف اللي بيد الاستاذة حتكون مقسمة 5 درجات عالتطبيق السماعي و 5 درجات عالتطبيق القرائي و 10 سيرة ذاتية وخطاب و10 برزنتيشن، والبونس انتي وحظك في اساتذة يعطوا بونس و أساتذة لا ومن سنه لسنه يختلف .
ختاما السنة التحضيرية سنة من جد مصيرية، أعطيها سنه من عمرك تعطيك العمر كلو ،شدوا حيلكم واذا طبقتوا الكلام المكتوب بإذن الله فالكم ال 5 و ال5 مهي صعبة أبدا وسهل تجيبوها واذا عندكم أي استفسار هذا حسابي في الاسك ask.fm/alia97moh و حساعدكم باللي أقدر عليه
بالتوفيق للجميع....
مدونة صحباتي الشاملة للتحضيري :اضغط هنا
بداية أبارك لكم قبولكم في جامعة الملك عبدالعزيز متمنية لكم سنة يتكللها النجاح
مدونتي راح تكون عن تجربتي الشخصية في السنة التحضيرية باختصار شديد متضمنه اهم الخطوات وما راح أتفصل وأتعمق لأنو زميلاتي عملوا مدونه كاملة متكاملة لكم .
بسم الله نبدأ!
بداية السنة التحضيرية مهي سنه صعبة أبدا ولا تخلوا أي أحد يزرع في راسكم فكرة انو السنة التحضيرية صعبة أو انو الدكتورة الفلانية سيئة لكل واحد تجربتو الخاصة ومو شرط انو الدكتورة اللي ما ناسبت صحبتك ما حتناسبك عيشوا وخوضوا تجربتكم انتو،صعوبة السنة التحضيرية تكمن في الضغط النفسي والقلق لأنها سنه مصيرية وكل درجة تفرق معاكي في المفاضلة.
كوني البنت الكبيرة في العيلة أفتقرت لوجود شخص ينصحني ويرشدني فبالتالي جربت كل أساليب ومصادر المذاكرة من مراجع أساسية و ملازم الاساتذة الخصوصيين والسلايدات ما خليت مصدر ما جربته فيفضل تاخدوا نصايحي عمحمل الجد لأني حديكم الزبدة المفيدة من تجربتي
خلينا نتفق على 3 نصايح أساسية :
1- عادلوا الانجليزي ، عادلوا الانجليزي ، عادلوا الانجليزي اذا كانت لغتكم كويسة يعني
لحد يضحك عليكم ويقلكم ترفع المعدل، لانها بتخسف أكتر من ما بترفع وكتير بنات شطار بينقصولهم كم درجة فيها، وكلاساتها مدتها 4 ساعات يوميا وتخلي دوامك طويل عالفاضي ، دوامكم من دون دي المادة حيصير قصير لا يتجاوز 4 ساعات وممكن تاخدوا أيام أوف كمان ،كيف تعادلوها؟ تعادلوها باختبار ايلتس أو توفل أنا عادلتها ب ايلتس لأنو أسهل من وجهة نظري ، طبعا الجامعة طالبة تجيبوا حد ادنى 4.5 من 9 ومهو صعب تجيبوا دي الدرجة أبدا اذا كان مستواكم متوسط ،واذا ما قدرتوا تعادلوها اتس اوكي مهي نهاية العالم .
2- سيبوكم من ملازم الاساتذة الخصوصيين لأنها لا تقدم ولا تأخر الاسئلة اللي فيها أصعب من اللي في الاختبار بكثير وما تجي و حتخربط أفكاركم وتضيع وقتكم ف مالها داعي ، أنا في البداية كنت أشتريهم وأذاكر منهم بس بعدين شفت انو مالهم داعي وحطيتهم عجنب .
3- درجاتك في التحضيري تعتمد 50 بالمية عليكي و50 بالمية تعتمد عشرح الدكتورة فمهم جدا جدا جدا تكوني فاهمة من شرح دكتورتك ،راح تصادفوا بالتاكيد دكاترة ما يناسبوكم في بعض المواد بس لا تسكتوا وتقولوا "خلاص مشي حالك" لأنو كلو حيجي ع راسكم ، في حال صادفتوا دكتورة مو كويسة في 3 طرق انكم تغيروها
1- تشوفي مواعيد كلاسات الدكتورة اللي تبيها وتشوفي وقت يناسب جدولك وتروحي العمادة تطلبي تحويل رسمي وانتي وحظك ممكن يطنشوكي ويقولولك مافي تحويل ومن دا الكلام ، دي الطريقة فيها مرمطة ووجع راس لانك لازم تطبعي ورقة تحويل وتروحي عند الاستاذة اللي تبي تحولي من عندها وتخليها توقع وتروحي عند الاستاذة اللي تبي تحولي لعندها اذا وافقت لك طبعا وتخليها توقع بعدين تروحي العمادة وتديهم الورقة وخلاص بس انا ما كنت أفضل البهدلة دي ف ما استخدمت دي الطريقة أبدا
2-التحويل الودي وهوا انك من غير ما تروحي للعمادة ، كلمي الاستاذة اللي تبي تحوليلها واسأليها اذا كانت تسمح تحضري عندها و اذا وافقت روحي عند استاذتك الاساسية واستأذنيها انك تحولي من عندها وانو حضورك يصير ينحسب عند الاستاذة التانية ودي أسهل و أريح طريقة بس طبعا درجاتك حتنزل عند أستاذتك الاساسية
3- في حال ما زبطت معاكي ولاطريقة من الطرق اللي فوق مالك الا انك تحضري عند استاذتك عشان التحضير وتحضري اكسترا عند الاستاذة اللي تبيها دي الطريقة متعبة بس معليش اتنازلوا واتعبوا شوية عشان توصلوا للي تبوه اغلب المواد كنت اخد فيها كلاسات اكسترا لأنو للأسف اساتذتي ما كانوا يسمحولي أحول بس في النهاية الحمدلله لقيت ثمار تعبي ، وممكن تاخدوا مع اساتذة خصوصيين طبعا اذا تبوا
نبدأ في الشغل المهم ، راح يقسموكم خطتين أ ، ب
خطة أ تتضمن : رياضايات ، مهارات اتصال ، فيزياء ، حاسب ،،انجليزي
خطة ب تتضمن: كيمياء ، أحياء ، احصاء ، انجليزي
أنا بديت بخطة ب ف حتكلم عنها أول :
كيمياء :مادة جدا سهلة مجرد اعادة لما اخدتوه في الثانوي مع شوية اضافات طفيفة
مصادر المذاكرة حقت دي المادة سلايدات ليلى الحربي والتست بانك فقط والتست بانك تلاقوه في البلاك بورد ولا تخافوا دكاترتكم راح يقولولكم كل شي ،وممكن تذاكروا من سلايدات نهى الوزان بدل ليلى بس أنا عن نفسي استخدمت سلايدات ليلى لأنها كانت مختصرة اكتر وما واجهني شي في الاختبار برا السلايدات ،ممكن تجيبوا الكتاب المقرر كمرجع لكم اذا كنتوا من النوع اللي يحب يرجع للكتاب زيي ، بالنسبة للدكاترة للأسف مالقيت دكتورة كيميا رهيبة وما كان يهمني مين دكتورتي لأنو اساسي في الكيميا الحمدلله ممتاز فكنت اعتمد عنفسي في المذاكرة و على فكرة السنه التحضيرية راح تعلمكم كيف تعتمدو عنفسكم وتستخدموا مهارة البحث والتعلم الذاتي ،نرجع لموضوع الدكاترة أحسن دكاترة سمعت فيهم من صحباتي هما : ليلى الحربي ، مرام باشا ، عفت باحيدرة ،وجدان
احصاء: الماده هذه خوفوني منها اللي قبلي كتير بكونها صعبة وحتضيع درجاتك بسببها ، بس الحقيقه انها مادة تتراوح ما بين سهل الى متوسط ، أغلب الشباتر سهلة جداااا و ممكن يصادفكم شابتر ولا اتنين يكونو متوسطي الصعوبة بالنسبالكم بس بالعموم مادة سهلة ان شاء الله وسرها كلو يكمن في التدريب الكثير وتمرين يدك ومخك عالحل ، بالنسبة لمصادر المذاكرة من استاذة لاستاذة يفرق في اساتذة حيقولولكم من الكتاب و اساتذة يقولولكم سلايدات انا عن نفسي ذاكرت من الكتاب لأنو أشمل وأنصحكم بالكتاب في الاحصاء بالذات، وحلو أسئلة الكتاب اللي مكتوب انها معاكم في السيلابس(المنهج)تلاقوها في البلاك بورد وفي حصة سكشن يحلوا فيها دي الاسئلة تكون موجودة على مدار الاسبوع في وقت البريك من 12 ل 1 اساتذتكم حيقولولكم فين مكانها ومتى تبدا ويفضل تحضروها ، ولازم لازم لازم تحلو الوورك شيت ونماذج الاختبارات السابقة والاختبار التجريبي اللي في البلاك بورد لأنها حتدرب يدكم عالحل والاختبار يجي مشابه لها
أحسن الدكاترة : دعاء بوقري ، سماح سندي،هديل الرويثي ،فاتن ..أغلب اساتذة الاحصاء كويسين عموما
أحياء: المادة دي من أسهل المواد اللي حتدرسوها في التحضيري ،كل اللي عليك تذاكر السلايدات وبس وفي بونس 10 درجات في دي المادة مقسم 3 درجات في الدوري الاول و 3 في الدوري التاني و 4 في الدوري التالت و تاخدوا البونس دا بجهدكم ، كيف يعني ؟ يعني مثلا الاختبار اصلا من 30 بس يحطولك 33 سوال اذا حليتيهم كلهم تاخدي بونس 3 درجات ، ممكن تختبري نفسك من اسئلة أستاذة نجود الحربي وممكن تجيبي ملزمة الشعراوي حقت الاسئلة تلاقيها في مكتبة ابن سينا
أحسن الدكاترة : حنان الشاذلي ، نجود الحربي ...عموما ف الاحياء مو لازم تكون دكتورتك رهيبة لأنك ممكن تحفظي السلايد وخلاص بس اذا حبيتي تستمتعي في المادة خديها عند دكتورة حنان الشاذلي.
بالنسبة للكيميا والاحصاء درجاتهم تكون مقسمة 30 دوري أول ، 30 دوري تاني ،40 نهائي ولا تخافوا في كيرف اب في دي المواد ، ايش هوا الكيرف اب ؟ الكيرف اب يعني في اخر الترم يدوكم بونس ع حسب الدفعة اذا كان في رسوب كتير يدوكم بونس كتير اذا كان الرسوب قليل يدوكم بونس قليل.
بالنسبة للأحياء اختباراتو مقسمه 33 دوري أول ، 33 دوري تاني ،44 نهائي
أما الانجليزي لأني ما أخذتو ف ما اعرف تفاصيل عنو بس حتركلكم رابط مدونة صحباتي تحت اتكلموا عن الانجليزي في مدونتهم
ننتقل لخطة أ
رياضيات : أكتر مادة تعبتني الصراحة وأخدت مني مجهود كبير لأنو أفكارها كتيرة بس بالعموم المادة مهي صعبة ابدا تعتبر ما بين سهل الى متوسط برضو ،الكتاب هوا المصدر الوحيد للمذاكرة وطبعا ضروري تحلو الهوموورك حق الكتاب و وورك شوب حمزة أبو جبل و نماذج الاختبارات السابقة والاختبار التجريبي وكلها حتلاقوها موجودة في البلاكبورد، الرياضيات زي الاحصاء كلما دربتي يدك عالحل كل ما ضمنتي درجاتك والاختبار يعتبر متوسط الصعوبة
أحسن الدكاترة: سهى حمدان ،ليندا الزبن ،اسيا زقزوق.
فيزياء: مادة سهلة غالبا ممكن يمر عليكم شابتر ولا اتنين متوسطي الصعوبة ،مصادر المذاكرة من السلايدات و النوتس (الملاحظات) اللي حتكتبوها مع الدكتورة ، وسر المادة كلو في التست بانك وانك تدربي يدك ومهم جدا جدا جدا جدا تجيبي ملزمة هناء فرحان حقت التست بانك وتحليها قبل الاختبار لأنها تدرب يدك أكتر ويجي الاختبار مشابه لها حتلاقوها في مكتبة خوارزم في شطر الطالبات وممكن كمان تطبعي ملخصات هناء فرحان الموجودة في البلاكبورد ملخصة فيها كل الشباتر ولا ننسى طبعا نماذج الاختبارات السابقة اللي في البلاك بورد برضو وفي كمان سيلف تست في البلاك بورد لو حبيتوا تمرنوا يدكم زيادة.
أحسن الدكاترة : سناء أباظة ، هيفاء التومة
الحاسب : الحاسب وما أدراك ما الحاسب !! مادة مملة تقيلة دم لأبعد الحدود لو كنت أعرف كيف أعادلها كان عادلتها و دحين عسنتكم للاسف مافي شيء يعادلها ،درجاتها مقسمة ل 4 اختبارات عملي و 3 اختبارات نظري ومو مهم تكون دكتورتك كويسة أو لا ما يفرق ، الحمدلله انو كان في بونس في المادة بس مدري كم ادونا ممكن درجتين بونس أو درجة ، مصدر المذاكرة كان الكتاب فقط ، في ناس ذاكرو من سلايدات بس مالو داعي كلو نفس المحتوى ، أكتر شي كان ينقص البنات هوا العملي لأنو يحاسبوا عالتفاصيل الصغيرة للأسف بس سهل تجيبوا فيها A+ لا تخافوا.
مهارات الاتصال :مادة سهلة بس حفظها ممل كان بالنسبالي درجاتكم حيكون 30 منها في يد الدكتورة وأغلبهم متعاونين يدوكي ال30 كاملة و 70 درجة مقسمة ما بين 30 دوري تاني و 40 نهائي ، مافي دوري أول في دي المادة ، بالنسبة لدرجات التكاليف اللي بيد الاستاذة حتكون مقسمة 5 درجات عالتطبيق السماعي و 5 درجات عالتطبيق القرائي و 10 سيرة ذاتية وخطاب و10 برزنتيشن، والبونس انتي وحظك في اساتذة يعطوا بونس و أساتذة لا ومن سنه لسنه يختلف .
ختاما السنة التحضيرية سنة من جد مصيرية، أعطيها سنه من عمرك تعطيك العمر كلو ،شدوا حيلكم واذا طبقتوا الكلام المكتوب بإذن الله فالكم ال 5 و ال5 مهي صعبة أبدا وسهل تجيبوها واذا عندكم أي استفسار هذا حسابي في الاسك ask.fm/alia97moh و حساعدكم باللي أقدر عليه
بالتوفيق للجميع....
مدونة صحباتي الشاملة للتحضيري :اضغط هنا
